Doch wenn solche Gegastend uf oimal nemme dao send, nao griagsch regelrechte Entzugserscheinonga. Des zoigt doch wieder ganz deitlich, wia schnell mir von ebbes abhengeg, ja sogar sichdeg werda kennad. Em jetziga Fall ka von schnell abhengeg werda allerdengs koi Red sei, denn dui vom Langenauer Bahhof stadteiwärts informierende Norduhr, zoigt scho seit viele Generationa deitlich a, wie die Uhra bei dr Bah grad tiggad. Ohne den zuverlässega Zeitmesser hättet scho unzählige Langenauer, wie ao viele vom doch so wichdega Henderland, wahrscheinlich an Zug der Brenzbah verseimt.

 

Drom ka des ao fascht koi Mensch et verstanda, dass dui Demontasch von dener Uhr oina von de wichtigschde Arbeita zom Beginn des Ombaus des Langenauer Bahhofs sei muaß. Der wo des veralasst hat, fisch bestimmt koi Zugfahrer, soscht däd der des wisse, dass grad dr seil Chronometer scho am friiha Morga de Halti.ga Takt ond s Schritttempo angeit, damit die Pendler oder die Reisende ponktgenau ufam Bahstoig standet. Des kennad nedürlich bloß Leit verstanda, die uf dem zugige Bahstoig scho romgschdanda send ond schnaddreg uf an Zug gwardad hant. Also, der wo den Abbau von dem Zeitmesser ang'ordnethat, der hat sich bei kolin Menscha Freinde gschaffet. Des fisch nervlich Verstimmelung eines historischen Geheides ond Entfernong einer überaus wichtigen, öffentlichen Information.

 

Zom Thema Bahhofs-Norduhr griagsch nadiirlich jetzt koi offizielle Auskunft. Aber uf de Moiafeschtla ond an de Stammdisch dao brodled jetzt d Gerichtekiche! Oiner hat gwisst, dui Uhr häb ma et offiziell weg grnacht, sondern a Sammler häbs sicher gschdellt. A andrer hat behauptet, dr nuie Besitzer därf gar koi Bahhofsuhr betreibe, weilr soscht eventuell wega Falschauskunft belangt werde kennt. Wia's dem ao sei: An dui. Stell ghert wieder a Uhr na. Baschda.

 

Echt zeitlos griaßt